Nga turizmi malor tek aktivitetet sportive, kryebashkiaku i Pukës: Duhen investime për tërheqjen e turistëve

Nga mësues në drejtor shkolle dhe më pas në rrugën e gjatë të politikës dhe sot drejton Bashkinë e Pukës, Rrok Dodaj vjen në një rrëfim ndryshe për jetën e tij por edhe ambiciet që ka si qytetar i parë i pukianëve në një intervistë për “Mirëmëngjes Shqipëri” në RTSH.

Fokusi kryesor i kryebashkiakut Dodaj është pikërisht zhvillimi i turizmit malor në Pukë, aktivitetet sportive malore, turizmit kulturor por edhe kulinarisë tipike malërose. Për arritjen e këtyre ambicieve dhe kthimit të Pukës në një atraksion turistik, Dodaj tha se duhen dhe shumë investime që nga infrastruktura e deri tek restaurimi i pallateve.

“Fokusi kryesor do të jetë turizmi malor, investimet në infrastrukturë, investime për turizëm sportiv, kulturor. Mishi është pjesë e tryezës së gatimeve të pukjanëve. Në Pukë është bërë diçka gjatë viteve e fundit, por nevojat janë të shumta, Puka nuk është vetëm qendra e qytetit por edhe lagjet dhe rrethinat dhe kanë nevojë për restaurimin e pallateve dhe apartamenteve, infrastruktura rrugore me lulishte, njësitë administrative që janë edhe 4 të tjera që kanë nevojë për infrastrukturë rrugore, ujësjellës kanalizime, lidhja që është shumë e domosdoshme me rrugë për zhvillimin e turizmit dhe ekonomisë. Puka është një zonë malore jo shumë larg nga Tirana. Natyra në Pukë është shumë e bukur, me pyje e investime shumë të bukura që janë bërë kohët e fundit në qytet. Shëndeti fitohet në Pukë për shkak të natyrës së saj dhe ajrit të pastër mbi 800 metra mi nivelin e detit”, tha Dodja.

Rrok Dodja është një nga të paktët kryebashkiake që kanë fituar nën logon e  koalicionit “Bashkë Fitojmë”, por kjo nuk e pengoi të vlerësoj kryeministrin Rama për investimet që ka bërë në Pukë vitet e fundit duke parë përtej të majtës dhe të djathtës, por ka edhe një thirrje për të.

“Kryeministrin e vlerësojë shumë se ka ardhur në Pukë dhe shpërndan shesh bukuritë e Pukës duke u bërë thirrje vizitorëve të vijnë. Publicitet është për Pukën. Unë kam një thirrje për kryeministrin përmes këtij emisioni “Gjysmën e atyre lekëve që ke hedhur gjatë këtyre viteve, jemi për Pukën dhe të bëjmë 3 herë gjëra më të bukura. Çdo kryetar që ka qenë ka hedhur hapa për mirë. Unë kam vlerësuar gjithmonë votuesit  pasi më kanë besuar gjithmonë dhe është e udhës që unë duhet të bëj shumë për ta por edhe për ata që nuk më kanë votuar. Nuk do ketë dallime”, tha kryebashkiaku i Pukës.

Kryebashkiaku tha se është punuar shumë në Pukë, ku qyteti është transformuar, por se ka ende nevojë për të bërë më shumë.

“Në Pukë janë investuar shumë kohët e fundit, ku zona e liqenit të Pukës është investuar shumë duke e kthyer në një atraksion dhe një pedale për të shëtitur rreth tij. Përtej investimeve që bëhen ën Pukë, rregulli parësor është mosprekja e natyrës dhe kjo mbrohet jo vetëm nga bashkia por dhe vetë banorët. Kurora e gjelbër e Pukës është një tjetër atraksion. Është investuar dukshëm, ka nevojë për shumë investime të tjera, sidomos në zonën periferi të qytetit dhe lidhja me liqenin e këtyre zonave”, tha Dodaj.