Ngrica mbërthen zonën malore – Akset kryesore të qarkullueshme, probleme me energjinë në disa zona

Që nga mesdita e së hënës janë ndërprerë reshjet e borës në zonat malore të qarkut të Shkodrës, por nderkohë ka vijuar era e fortë dhe temperaturat kanë shënuar ulje të mëtejshme duke sjellë nje situatë ngricash e cila krijon problematika si për qarkullimin ashtu edhe furnizmin me energji elektrike. 

Akset rrugore që mbikqyren nga Drejtoria Rajonale e Rrugeve, Tamarë- Vermosh, Bogë – Thethë dhe rruga e Komanit  janë të qarkullueshme nga automjetet që këshillohet të lëvizin me goma dimërore dhe zinxhirë.

Ndërsa i bllokuar vijojnë të jetë prej tri ditësh aksi Kir-Shosh në bashkinë e Shkodrës.

Gjithashtu e pakalueshme është edhe rruga e  Iballës në bashkinë Fushë Arrëz. 

Probleme në furnizimin më energji elektrike vijon të ketë në njësitë administrative Rrethina dhe Pult të bashkisë Shkodër, si dhe në Temal dhe Shllak të bashkisë Vau i Dejës.

Procesi mësimor vazhdon të jetë i pezulluar për shkak të kushteve të motit në shkollat e Qafë-Mali, Iballë, Blerim dhe Fierz.