Në prag të çeljes së siparit të Festivalit të ’62 të Këngës në RTSH, i gjithë stafi organizues po zhvillon provat e fundit. Ethet e eventit më të madh të këngës tashmë kanë përfshirë të gjithë performuesit. Festivali do të vijë në regjinë e Pali Kukës dhe skenar të Enkel Demit.
“Ky është një event krejt i veçantë dhe të shkruar fjalët e këtij eventi nuk është diçka e lehtë. Kam të paktën 2 muaj që punoj dhe mendoj që kemi arritur një kombinim të moderatorëve, të roleve të tyre, për mua, nga më të mirat që është bërë deri më sot në Festivalin e Këngës”, bëri me dije Enkel Demi.
Natën e parë i ftuar special është këngëtari Italian, Umberto Tozzi. Ndërsa Drejtori Artistik i Festivalit, Bojken Lako zbulon edhe të ftuarit e natës së dytë.
“Është Aleksandër Gjoka, Indrit Mesiti me grupin e tij nga Franca. Natën e dy do të jetë edhe një surprizë një rikthim në skenë i një prej ikonave të vieteve ’90, Adelina Ismaili”, u shpreh Lako.
Edhe këtë vit do të jetë publiku, i cili do të vendos se cila këngë do të përfaqësojë Shqipërinë në Eurovizion.
“Votimi hapet në fund të natës së dytë pasi janë ekspozuar të 31 këngët dhe qëndron i hapur deri në fund të natës së katërt. Votimi është edhe për ata grupe dhe artistë të rinj ose jo, në kategorinë e debutantëve të cilët nuk kalojnë në finale”, tha Lako.
Por do të jetë juria profesioniste e përbërë nga 11 anëtarë, të përzgjedhur nga fusha të ndryshme të artit, e cila do të vendosë për 6 çmime, mes tyre edhe këngën fituese të çmimit të parë. Ndërkohë në biletarinë e pallatit të Kongreseve dhe platformën vivere.al ka nisur edhe shitja e biletave të natës finale të Festivalit, që do të mbahet të premten e 22 dhjetorit.
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.