Ka nisur sot (18 shtator) Censi i Popullsisë dhe Banesave. Janë 5.240 anketues të cilët do të trokasin në dyert e të gjithë qytetarëve, për të grumbulluar informacionin e nevojshëm, ndërsa puna në terren do të zgjasë për 6 javë, deri më 30 tetor.
Grumbullimi i të dhënave do të bëhet në mënyrë elektronike, ku anketuesit do t’i hedhin përgjigjet në një tablet dhe më pas informacionet do të transferohen elektronikisht në INSTAT.
Janë 100 pyetje që do të kenë lidhje me arsimimin, shëndetësinë, punësimin dhe kushtet e jetesës. Gjithashtu përfshinë edhe pyetje rreth etnisë, besimit fetar dhe gjuhës, por qytetarët e kanë opsionale nëse do të duan t’i përgjigjen këtyre pyetjeve specifike.
Çdo qytetar e ka detyrim ligjor të japin informacionin e kërkuar, ndërsa refuzimi apo dhënia e informacionit të rremë është në kundërshtim me ligjin.
Të dhënat e para të Censit do të publikohen në qershor të vitit 2024, ndërsa në dhjetor të vitit 2025, mikrodatat do të jenë në dispozicion të përdoruesve të jashtëm.
Censi i Popullsisë dhe Banesave 2023 do të jetë Censi i 12-të, që kur Shqipëria u shpall shtet i pavarur në vitin 1912, ku Censi i parë u krye në vitin 1923. Sipas INSTAT, kostoja totale për realizimin e Censit 2023 është 16,9 milionë euro.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.