Nis vaksinimi kundër gripit – 14 mijë doza mbërrijnë në Shkodër
Në çdo Qendër Shëndetësore në Shkodër ka nisur që nga dita e djeshme vaksinimi falas kundër gripit.
Kryevaksinatori i Njësisë Vendore të Shëndetit Publik thotë se në rrrethin Shkodër kanë ardhur 14 mijë doza.
Personat që e kanë marrë vaksinën vjet ju duhet vetëm një dozë, ndërsa ato që vaksinohen për herë të parë do të marrin dy doza.
Xhabija thotë se dozat e mbërritura janë të mjaftueshme për vaksinimin e qytetarëve.
Vaksinimi kundër gripit cilësohet si mbrojtja më e mirë kundër virozave të stinës, veçanërisht për grupet më të rrezikuara.
