Nisin reshjet e borës në aksin Hani i Hotit- Vermosh, trashësia e borës është 10 cm.
Ulja e temperaturave është shoqëruar edhe me reshje në disa zona të qarkut të Shkodrës. Reshje shiu me intensitet të ulët, ka patur thuajse në të gjithë territorin.
Ndërkohë, reshje bore kanë rënë në zonat malore. Në aksin Hani i Hotit- Vermosh, trashësia e borës është 10 cm dhe aktualisht mund të lëvizet vetëm me goma dimërore.
Kontraktori është i pranishëm me mjete dhe njerëz për të mbajtur të çelur këtë aks rrugor. Nga OSHEE nuk raportohen situata problematike për furnizimin me energji elektrike.
