“Një artist si Zefi” / Reportazhi i realizuar nga RTSH sjell në vëmendje figurën e spikatur të humorit shqiptar
nje artist si zefi
Zef Deda, kjo figurë e papërsëritshme e humorit shqiptar, ka ardhur sërish në vëmendjen e publikut. “Një artist si Zefi”, titullohet reportazhi i realizuar nga RTSH. Janë ish-kolegët e tij, aktorët e nderuar shkodranë, me kontribut të madh në teatrin “Migjeni”, që sjellin copëza kujtimesh nga bashkëpunimet me artistin e ndjerë.
Zef Deda do të shquhej për cilësitë e tij interpretative si një aktor i gjithëanshëm.
“Në teatrin “Migjeni” kanë lënë gjurmë disa prej korifejve tanë të humorit duke dhuruar art e duke lënë në kujtesën e njerëzve emocione pafund ndaj duket se sa herë do të rikthehen aty do të gjejnë prapë artin e tyre e bashkë me to edhe Zef Dedën”, me këtë përshkrim mbyllet reportazhi i realizuar nga Genc Ymeraj dhe i transmetuar në ditët e para të vitit 2024 në RTSH.
