Një sondë e agjencisë amerikane të hapësirës (NASA) është larguar nga Toka për të vizituar një nga objektet më të pazakonta në Sistemin Diellor.
Anija po shkon drejt një bote metalike, një asteroid i quajtur 16 Psyche, për të cilin vëzhgimet teleskopike sugjerojnë se është bërë nga deri në 60% hekur dhe nikel.
Shkencëtarët mendojnë se mund të jetë bërthama e mbetur e një objekti të ngjashëm me planetin.
Nisja e anijes hetuese, e quajtur gjithashtu Psyche, u bë nga Kepi Canaveral në Florida. Do të jetë një udhëtim gjashtëvjeçar, 3.5 miliardë km në destinacionin e saj, midis orbitave të Marsit dhe Jupiterit.
Nga një milion e gjysmë asteroidë të vlerësuar në Sistemin Diellor, vetëm nëntë të zbuluar deri më tani duket se ndajnë diçka nga vetitë e Psyche.
“Emocioni i madh është se ne do të shkojmë të shohim një lloj bote që njerëzit nuk e kanë parë kurrë më parë. Ne nuk kemi asnjë fotografi nga afër; nuk e dimë se si duket. Për mua, ky është thelbi i eksplorimit, që njerëzit gjithmonë duan të shohin atë që nuk e kanë parë ende”, tha hetuesi kryesor Profesor Lindy Elkins-Tanton nga Universiteti Shtetëror i Arizonës.
Kur anija kozmike të arrijë në asteroid në gusht 2029, ajo do të orbitojë në distanca të ndryshme, më e shkurtra është afërsisht 75 km për të hartuar formën e botës metalike dhe për të deshifruar strukturën dhe përbërjen e saj të brendshme./ BBC
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.