“Një ditëlindje pa Mirush Kabashin” – Mbrëmje homazh me ekspozitë, promovim libri dhe dokumentar në Kinema “Republika”
Në një mbrëmje të veçantë artistike të zhvilluar në Kinema “Republika” u nderua figura e aktorit të shquar, lindur në Shkodër, Mirush Kabashi, me titullin simbolik “Një ditëlindje pa Mirushin”.
Në kuadër të aktivitetit u hap një ekspozitë fotografike me titullin “Mes teatrit dhe filmit”, u promovua libri dygjuhësh “Mirush Kabashi, Sokrati Shqiptar” i autores Driada Dervishi, si dhe u shfaq dokumentari “100 maska, 1 shpirt”, i regjisorit Elidor Markja.
Në intervistë për mediat, regjisorja Driada Dervishi foli për vlerat e pazëvendësueshme që Mirush Kabashi la në artin skenik shqiptar.
Menda Kabashi, vajza e aktorit të ndjerë, u shpreh se prania e tij ndihet çdo ditë në kujtimet dhe krijimtarinë artistike që realizoi.
Ky aktivitet u zhvillua me mbështetjen e Bashkisë Shkodër dhe institucioneve të kulturës në vend.
