Një tjetër investim në Shkodër / Nis rehabilitmi i sheshit mes pallateve në “Rrugën e Jezuitëve”
Bashkia Shkodër po vijon investimet në qytetin e Shkodrës. Pas disa segmenteve rrugore ,të cilat i janë nënshtruar rikonstruksionit , aktualisht po punohet në rehabilitmin e sheshit mes pallatateve në bulevardin “Skenderbeg” pranë rrugës së “Jezuitëve” .
Kjo ndërhyrje për banorët është mëse e nevojshme pasi e gjithë kjo zonë ku jetojnë një numër i lartë banorësh ishte tejet e amortizuar dhe investimet mungonin prej shumë kohësh .
Investimi parashikon ndërhyrjen në sistemimin e ujrave të bardha dhe të zeza, ndërsa rruga do të shtrohet me pllaka betoni dhe gurë dekorativë.
Punimet për rehabilitmin e kësaj zone pritet të përfundojnë brenda 3 muajve, ndërsa shifra e këtij investimi kap vlerën e 12.969.000 lekë me tvsh.
