Njësia Bërdicë në mbështetje të fermerëve/Fermerët po mbështeten me subvencione për të rritur kapacitetin e prodhimit

Njësia Administrative e Bërdicës është një ndër njësitë më të mëdha në bashkinë Shkodër dhe ka një rëndësi të madhe në sektorin e bujqësisë. Bashkia Shkodër, në bashkëpunim me Fondin e Zhvillimit, ka ndërhyrë prej disa kohësh për përmirësimin e infrastrukturës në disa fshatra, ndërkohë që prioritet mbeten investimet në sistemin e ujitjes.
Xhavit Pëllumbi, administrator i njësisë Bërdicë, thekson se fermerët po mbështeten gjithashtu me subvencione për të rritur kapacitetin e prodhimit dhe zhvillimin e qëndrueshëm të bujqësisë.Njësia administrative Bërdicë ka një traditë në bujqësi dhe blegtori. Investimet e Ministrisë së Bujqësisë dhe Zhvillimit Rural, si dhe të Bashkisë Shkodër, synojnë rritjen e rendimentit dhe cilësisë së prodhimeve bujqësore në këtë zonë.