Kryeministri Edi Rama solli sot në vëmendje mbështetjen që i është dhënë Diasporës në aspektin e pensioneve dhe njohjes së viteve të punës në vendet ku ata janë.
Në takimin vjetor të Këshillit Koordinues të Diasporës, Rama u ndal te çështja e pensioneve, ndërsa theksoi se kur ka marrë detyrën Shqipëria kishte marrëveshje pensionesh vetëm me një vend.
“Kur ne kemi marrë detyrën ishte e paimagjinueshme, mbështetja që i kemi dhënë Diasporës në aspektin e pensioneve, e njohjes së viteve të punës në vendet ku ata janë. Kur ne kemi marrë detyrën, Shqipëria kishte vetëm një marrëveshje pensionesh, nuk më kujtohet me cilin vend, por me një vend ku nuk di sesa punëtorë mund të kishte”, u shpreh Rama.
Kryeministri bëri të ditur se sot ka një numër të madh marrëveshjesh dhe janë duke u negociuar tetë marrëveshje të tjera.
“Kemi mbyllur marrëveshjen e marrëveshjeve, atë me Italinë që ishte dhe më e vështira për shkak të masës së njerëzve të cilëve i duheshin njohur vitet e punës dhe për shkak të barrës financiare që i shtohej shtetit italian. Por bëhet fjalë për barrë financiare legjitime sepse ishin në fakt të gjitha kontribute në sigurimet shoqërore, të shqiptarëve në Itali. Kemi dhe marrëveshjen tjetër të marrëveshjeve, që është marrëveshja me Greqinë që është simetrikisht e vështirë, në mos edhe më e vështirë se ajo me Italinë, ndërkohë që po mbyllim dhe po negociojmë marrëveshje me të gjitha vendet ku ka punonjës shqiptarë”, theksoi Rama. /j.p/
Oficerë dhe pedagogë te Kolegjit të Mbrojtjes dhe Sigurisë të Forcave të Armatosura vizituan këtë…
Vllaznia do të luajë me Elbasanin në çerekfinalen e Kupës së Shqipërsië. Goglat i kanë…
Futbolli shqiptar sot është në zi! Një ndër legjendat e tij, Sabah Bizi, u nda…
Shkodra mbart një pasuri të madhe të kulturës kombëtare, ku ahengu Shkodran është një prej…
17 janari shënon Ditën Botërore të të Drejtave të Njeriut për Përdoruesit e Drogës. Neuropsikiatri…
Jemi në muajin më të ftohtë të dimrit dhe virozat stinore prekin më shumë sëmundjet…
This website uses cookies.