Njohja e Palestinës, Spanja: Madridi, Dublini dhe Oslo do përgjigjen ndaj Izraelit
Kryediplomati spanjoll ka deklaruar se Spanja, Irlanda dhe Norvegjia do të përgjigjen “të vendosur” ndaj reagimit të zemëruar të Izraelit ndaj vendimit të tyre të koordinuar për të njohur shtetin palestinez.
Izraeli ka sulmuar të tre vendet lidhur me lëvizjen e shtetësisë palestineze, veçanërisht në internet.
Ministri i Jashtëm spanjoll Jose Manuel Albares thotë se Madridi, Oslo dhe Dublini do të “dalin në një përgjigje të koordinuar” që ai tha se do të ishte “e qetë, por e vendosur”.
Më herët sot, ministri i Jashtëm Israel Katz në një postim në rrjetin social X akuzoi kryeministrin spanjoll Pedro Sanchez si bashkëpunëtor në thirrjet për eliminimin e popullit hebre.
Ai thirri ambasadorët e vendeve në Tel Aviv në Ministrinë e Jashtme javën e kaluar pasi vendet e tyre njoftuan se do të njihnin shtetësinë palestineze, ku u shfaqën pamjet e sapo publikuara të sulmit dhe rrëmbimeve të Hamasit të 7 tetorit.
