Shqipëria mundohet, por nuk arrin që të bëjë mrekullinë në ndeshjen e fundit të Grupit B në Euro 2024. Djemtë kuqezi munden 1-0 nga Spanja dhe detyrohen ti thonë lamtumirë turneut. Ndeshja u vendos nga një gol i Ferran Torres në minutën e 13-të.
Spanja lë titullarët pushim dhe Shqipëria nis në sulm ndeshjen, por me kalimin e minutave spanjollët rrisin lojën dhe zhbllokojnë sfidën me Ferran Torres.
Shqipëria mundohet të reagojë në pjesën e parë me Asllanin dhe me Brojën në 2 raste në pjesën e dytë, por pa arritur që të gjejë golin e barazimit. Mbyllet 1-0 ndeshja në Dyseldorf dhe Shqipëria i thotë lamtumirë Euro 2024.
Spanja mbyll grupin me pikë të plota, ndërsa Shqipëria mbyll grupin me një pikë dhe 3 gola të shënuar në tokën gjermane.
NGJARJET KRYESORE
90+2′ Broja godet me të djathtën, por Raya reagon siç duhet për t’i mohuar golin.
90′ Akordohen 4 minuta shtesë.
89′ M. Berisha shkakton një ndërhyrje të gabuar dhe ndëshkohet me karton të verdhë.
84′ Zëvendësim te Spanja. Largohet Olma dhe në vendin e tij futet Baena.
84′ Arbër Hoxha hyn bukur në zonë dhe godet me të djathtën, por tentativa e tij shkon mbi kuadrat.
81′ Zëvendësim te Shqipëria. Largohet Asani dhe në vendin e tij futet Muçi.
77′ Asllani provon me të majtën nga distanca, por tentativa e tij shkon shumë afër portës.
71′ Dy zëvendësime te Spanja. Largohet F. Torres dhe Joselu, në vendet e tyre futen Yamal dhe Morata.
70′ Dy zëvendësime te Shqipëria. Largohen Laçi dhe Bajrami, në vendet e tyre futen M. Berisha dhe Hoxha.
69′ Asani godet nga distanca, por tentativa e tij ndalet nga Raya pa probleme.
61′ Zëvendësim te Spanja. Largohet Oyarzabal dhe në vendin e tij futet Fermin Lopez.
58′ Zëvendësim te Shqipëria. Largohet Manaj dhe në vendin e tij futet Broja.
47′ Joselu gjuan mjaft bukur me të majtën, me topin që shkon jashtë.
46′ Zëvendësim te Spanja. Largohet Laporte dhe në vendin e tij futet Le Normand.
46′ Nis pjesa e dytë!
Mbyllet pjesa e parë!
43’ Olmo tenton me thembër të pasojë në qendër të zonës, Ajeti largon sferën në këndore.
41’ Harkim i Grimaldos nga e majta, sfera goditet nga Torres me kokë por kalon mbi traverse.
38’ Raja gabon në rivënien e topit, godet Laport por sfera i kthehet në dorë.
37’ Në vijimin e këndores, Strakosha grushton shkurtazi duke çuar sferën te Olmo i cili gjuan menjëherë, pro nuk gjen portën.
36’ Mitaj gabon në largimin e topit, sfera shkon te Olmo në zonë dhe vetëm ndërhyrja e Laçit shmang një gjuajtje në portë.
35’ Ferran Torres nga e djathta pason në shtyllën e dytë, Balliu largon sferën në këndore.
33’ Harkim nga e djathta në zonë për Hoselu, Ajeti largon jo pa vështirësi sferën para Strakoshës.
30’ Asani provon të harkojë në zonë nga distanca, por çon sferën direkt në fundore.
26’ Pas zhvillimit të një këndoreje, Strakosha largon me vështirësi sferën para katërkëndorit të tij.
24’ Asllani nis Bajramin në të majtën, anësori i sulmit vonohet dhe Vivian i heq sferën nga këmbët.
21’ Olmo provon nga e djathta me një gjuajtje të fortë, sfera nuk gjen katërkëndorin e Strakoshës.
17’ Spanja merr plotësisht kontrollin e topit, pasi tashmë iberikët qarkullojnë më me qetësi duke administruar mirë minutat.
13’ Pavëmendja e parë e mbrojtjes kushton shtrenjtë. Olmo nis Ferran Torres i cili i ikën pozicionit jashtë loje dhe gjuan drejt portës duke shënuar golin e avantazhit. (VIDEO)
11’ Menjëherë një tjetër gjuajtje me kokë e spanjollëve, këtë herë me Hoselu i cili gjuan mbi traversë.
11’ Harkim nga Navas në zonë, Merino gjuan me kokë por gjen përgjigjen e Strakoshës, teksa më pas Ajeti largon në këndore.
8’ Navas harkon në zonë, Ajeti me kokë spastron zonën.
5’ Insistojnë kuqezinjtë në krahun e majtë me dyshen Bajrami-Asllani, të cilët në fund fitojnë një këndore.
3’ Grialdo del në sulm nga e majta, harkimi i tij në shtyllën e dytë gjen Mitajn i cili largon me kokë rrezikun nga zona kuqezi.
2’ Bajrami nga e majta harkon në zonë, asnjë nga sulmuesit kuqezi nuk ia del të gjuajë drejt portës spanjolle.
1’ Nis dueli në Dyseldorf.
FORMACIONET ZYRTARE
SHQIPËRIA: Strakosha, Balliu, Ajeti, Gjimshiti, Mitaj, Ramadani, Asllani, Laçi, Asani, Bajrami, Manaj.
Trajner: Silvinjo
Spanja: Raja, Hesus Navas, Vivian, Laport, Grimaldo; Zubimendi, Mikel Merino; Ferran Torres, Dani Olmo, Ojarzabal, Hoselu. Trajner: Luis De La Fuente
Kënga fituese e edicionit të 63 të Festivalit të këngës në Radio Televizionin Shqiptar ka…
Miss Shqipëria”, eventi më i madh i bukurisë shqiptare, çeli siparin e edicionit të 27…
Vetëm pak javë pasi hodhi firmën në kontratën e re me Mançester Sitin, sipas së…
Në intervistën që dha për “SonntagsZeitung”, Mishel Platini tregoi disa prej problematikave të mëdha që…
Pas barazimit 1-1 për Supërligën, Vllaznia dhe Elbasani do të masin forcat sërish në “Loro…
Fshati i vogël i Goricës në njësinë administrative të Anës së Malit, në Bashkinë e…
This website uses cookies.