Tregu i pensioneve private vullnetare vijoi rritjen edhe gjatë tremujorit të tretë të këtij viti.
Autoriteti i Mbikëqyrjes Financiare (AMF) publikoi raportin mbi tregun e pensioneve private, sipas të cilit, numri total i anëtarëve arriti në afërsisht 38 mijë anëtarë. Numri i anëtarëve të fondeve është zgjeruar me 4.1% ose 1483 anëtarë që nga fillimi i vitit. Krahasuar me të njëjtën periudhë të vitit të kaluar numri i tyre është rritur me 5.5%.
Të dhënat tregojnë se vlera e aseteve neto të fondeve të pensionit në fund të muajit shtator arriti në 6.48 miliardë lekë, në rritje me 13.75% që nga fillimi i vitit dhe me 25.5% krahasuar me të njëjtën periudhë të vitit të kaluar.
Në mesin e këtij viti, në treg ishin aktive pesë fonde të pensioneve private, të administruara nga katër shoqëri të licencuara administruese.
Ligj i ri “Për fondet e pensionit privat”, që hyri në fuqi në fillim të nëntorit ka si qëllim përmirësimin e bazës ligjore dhe rregullimin e tregut të fondeve të pensionit privat, krijimin e kushteve të favorshme për zhvillimin e këtij tregu dhe nxitjen e kursimeve për pension.
Një nga risitë e ligjit është parashikimi i dy formave të fondeve të pensionit, “Fond pensioni me pjesëmarrje të hapur” dhe “Fond pensioni me pjesëmarrje të mbyllur”.
Ligji parashikon politika lehtësuese fiskale për nxitjen e pjesëmarrjes në fondet e pensionit privat, të cilat pritet të ndikojnë pozitivisht në zhvillimin e tregut të pensioneve private.
Ligji parashikon një rritje të kufirit të kontributit të anëtarit që përjashtohet nga tatimi si dhe rritje të kufirit të shpenzimeve që i njihen punëdhënësit kur kontribuon për punëmarrësit e tij.
Kufiri maksimal mujor, që për qëllime të lehtësive tatimore përjashtohet nga tatimi, është deri në nivelin e pagës minimale të miratuar në shkallë vendi.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.