Sociologu Gëzim Tushi ka deklaruar se ka një tendencë të plakjes së popullsisë. I ftuar në emisionin “Jetë Shqiptare” për të diskutuar në lidhje me të dhënat e INSTAT se 30% e bashkive rrezikojnë të shuhen, Tushi u shpreh se ka disa komponentë që ndikojnë, sikurse renditi ekonominë, emigracionin, etj,.
“Tendenca është një plakje e popullsisë. Pse po ndodh? Ka shumë arsye. Ekonomia është një komponent. Por shoqëritë e pasura lindin më pak.
Sikurse e shihni, një shoqëri demokratike nuk e ka domosdoshmërisht lindjen e fëmijëve si objektivin kryesor.
Unë gjithmonë them se emancipimi i femrës është një faktor i rëndësishëm. Emigracioni është një faktor shumë i rëndësishëm, ka ikur 30% e popullsisë në këto 3 dekada. Duhen politika që të favorizojnë familjen”, tha ai.
Tushi bëri një analizë më tej të të mirave dhe më pak të mirave të familjes tradicionale dhe asaj moderne.
Ai u shpreh se po shkohet drejt hiçit edukativ, pasi sikurse theksoi ai “sot fëmijët janë bërë princër, dhe prindërit shërbëtorë të tyre. Iu plotësojnë të gjithë dëshirat”.
“Familja tradicionale shqiptare ka pasur anën e mirë dhe të errët. Familja moderne ka disa gjëra të mira.
Sot fëmijët janë bërë princër, dhe prindërit shërbëtorë të tyre. Iu plotësojnë të gjithë dëshirat. Kemi ardhur në hiçin edukativ. Duke qenë se jemi shumë të angazhuar me punë, kemi gjetur celularin.
dhe kjo bën që të kemi probleme të tjera që kanë të bëjnë me rritjen e fëmijëve”, u shpreh sociologu Tushi.
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.