Oboti gati çizmet dhe lundrat / Banorët: I druhemi përmbytjeve, kanalet nuk janë pastruar

Çizme, lundra dhe koncentrat të mbledhur për bagëtitë janë masat që banorët e zonës së Obotit kanë ndërmarrë në këtë prag dimri

Pastrimi i kanaleve në zonën e Obotit duket i vonuar. Banorët thonë se i druhen përmbytjeve pasi në zonën e Anës së Malit nuk janë marrë masa parandaluese, dhe tashmë çdo gjë varet nga reshjet që do ketë.

Më heret banorët kanë kërkuar nga pushteti vendor dhe nga bordi i kullimit qëtrë pastrojnë kanalin kryesor që lidh Obotin me zonën e Dajçit si dhe të ngrihet niveli i rrugës kryesore. Bashkia Shkodër bën me dije se gjatë javës së ardhshme mjetet për pastrimin e kanaleve do të zhvendosen nga zona e Dajçit ku po pastrojnë aktrualisht drejt fshatrave të njësisë administrative Ana e Malit .