OBSH: Evropa po plaket. Në vitin 2024 do të ketë më shumë njerëz mbi 65 vjeç sesa nën 15 vjeç

Organizata Botërore e Shëndetësisë ka ngritur shqetësimin për plakjen e popullsisë, pasi sipas të dhënave të reja të publikuara të mërkurën (11 tetor) do të ketë më shumë njerëz mbi 65 vjeç sesa nën 15 vjeç në Evropë në vitin 2024.

“Deri në vitin 2024, ne vlerësojmë se popullsia e njerëzve mbi 65 vjeç do të jetë më e madhe se ajo e nën 15 vjeç në Rajonin Evropian”, tha OBSH në një deklaratë.

Kjo gjendje pritet të mbizotërojë globalisht në vitin 2064, rreth 60 vjet më vonë, sipas institutit Our World in Data.

Për të zbutur ndikimin e një popullsie në plakje, Organizata Botërore e Shëndetësisë u bën thirrje agjencive përkatëse të marrin masa për “të mundësuar të moshuarit të ruajnë dhe përmirësojnë shëndetin e tyre fizik dhe mendor, pavarësinë, mirëqenien sociale dhe cilësinë e jetës së tyre“.

Ndër rekomandimet që ai bën, është adoptimi i një diete të ekuilibruar dhe ushtrimet fizike për të paktën 150 minuta në javë.

“Një aktivitet fizik i vrullshëm mund të ulë me 35% rrezikun e vdekjes nga çdo shkak”, thekson ai./ CNN.gr