Olimpik Lion- Man.Junajtid në RTSH, Matiç polemizon me Onanën: Njëri nga më të dobtit e historisë së klubit!
Europa League rikthehet nesër mbrëma në rrjetin e Radio Televizonit Shqiptar me takimin mes Olimpikut të Lionit dhe Mançester Junajtid. Të dy ekipet po përjetojnë situata mjaft të vështira dhe shumë larg pritshmërive dhe jo më kot që të dy formacionet konisderojnë triumfin në Ligën e Europës një shpëtim nga një tjetër sezon i dështuar.
Në vigjilje të ndeshjes portieri i Junajtid, Andre Onana pohoi se “Djajtë e kuq” kishin një ekip shumë herë më të mirë se Lioni. Kaq ka mjaftuar për të ngacmuar një “ish” siç është Nemanja Matiç.
“Ju e dini se unë respektoj të gjithë. Por kur njëri prej portierëve më të dobët të historisë moderne të klubit komenton performancën tonë nuk e marr si të mirëqenë. Nëse një koment të tillë do ta kishte bërë David de Gea, Peter Shmaikëll apo Van der Sar atëherë do të kisha dyshuar në ekipin tonë”, tha Nemanja Matiç, i cili ka qenë pjesë e Junajtidit mes viteve 2017-2022.
