Opozita zhvendos në Strasburg protestën, më 23 tetor përpara PE-së
Zhvendoset në Strasburg aksioni opozitar. Deputetët e opozitës do të protestojnë për herë të parë përpara Parlamentit Europian.
Sipas informacioneve siguruar nga RTSH, bëhet me dije se protesta E 30 deputetëve opozitarë do të mbahet më 23 tetor.
Arrestimi i ish-deputetit të Partisë Demokratike, Ervin Salianji; mbajtja nën arrest shtëpie e liderit demokrat Sali Berisha; kauzat opozitare; janë disa prej arsyeve të protestës së opozitarëve përpara PE-së.
Kujtojmë se disa ditë më parë, lideri demokrat dhe deputetët opozitarë paralajmëruan radikalizim të mëtejshëm të protestave, kundër asaj që ata e cilësojnë si kapja e institucioneve dhe “shtetit” nga Kryeministri Edi Rama.
