Organizata terroriste “Severna Brigada” kërcënon me vdekje kryeministrin Kurti

Kryeministri Albin Kurti është zyrtari i dytë i qeverisë së Kosovës kërcënohet me vdekje nga organizata terroriste serbe “Severna Brigada”.

Mesazhi kërcënues iu dërgua virtualisht dy zyrtarëve, nëpërmjet profilit në Facebook të organizatës.

Për Kurtin, mesazhi u shoqërua me tekstin: “Kurti, kështu kemi me tonelata“, ndërsa bashkëngjitur fotografia e një arme tip snajper.

Pak orë më parë, edhe ministri i Punëve të Brendshme të Kosovës, Xhelal Sveçla, mori një mesazh kërcënues menjëherë pasi njoftoi zbulimin e një sasie të madhe armësh automatike, fishekësh, granata dore dhe eksploziv në Zveçan.

Arsenali dyshohet se përdorej nga grupet kriminale serbe.

“Do të likuidoj personalisht, vetëm prit momentin,” komentoi organizata serbe “Severna Brigada” në lajmin e postuar nga ministri Sveçla.

Autoritetet kosovare kanë thënë se të dyja rastet po trajtohen nga organet e sigurisë.