Kryeministri dhe njëherësh kryesocialisti Edi Rama mbledh sot pasdite kryesinë e re të forcës politike që ai drejton. Kjo mbledhje vjen një ditë pas zhvillimit të Asamblesë Kombëtare në të cilën u rikonfiguruan strukturat e Partisë Socialiste, ku u votuan anëtarët e rinj të kryesisë së re të kësaj partie.
Mbledhja e sotme mbahet në kuadër të organizimit për zgjedhjet parlamentare, që pritet të mbahen në pranverën e vitit të ardhshëm.
Ndërkaq një ditë më parë Asambleja Kombëtare e Partisë Socialiste zgjodhi anëtarët e kryesisë së re të partisë, ashtu si edhe përbërjen e sekretariatit, mes emrave të propozuar nga Kryeministri Edi Rama.
Në përfundim të procesit të votimit, sekretari i përgjithshëm, Blendi Klosi, i cili u rizgjodh në këtë detyrë, bëri të ditur emrat e kryesisë së re që përbëhet nga 5 burra dhe 5 gra, të cilët janë Albana Koçiu, Anila Denaj, Etilda Gjonaj, Klodiana Spahiu, Lindita Nikolla, Arben Pëllumbi, Erion Braçe, Eduart Shalsi, Igli Hasani dhe Toni Gogu. Ndërsa u lanë jashtë emra si Olta Xhaçka, Mimi Kodheli, Blerina Gjylameti, Ditmir Bushati, Armando Subashi dhe Ilir Beqaj. Ky i fundit ndodhet në burg për veprat penale të korrupsionit, shkelje të barazisë në tenderë dhe fshehje apo mosdeklarim të pasurisë apo interesave private – akuza që lidhen me disa procedura prokurimi të kryera nga Agjencia Shtetërore e Programimit Strategjik dhe Koordinimit të Ndihmës (SASPAC), të cilën ai e drejtoi që nga themelimi.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.