Categories: LajmePolitikëRajoni

Osmani: Maqedonia e Veriut është vendi më i keqtrajtuar në procesin e zgjerimit të BE-së

Ministri i Punëve të Jashtme i Maqedonisë së Veriut, Bujar Osmani, në një intervistë për gazetën gjerman Frankfurter algemajne cajtung (FAC), u shpreh se “Maqedonia e Veriut është vendi më i keqtrajtuar në procesin e zgjerimit të BE-së”.

Sipas ministrit, “garancia më e mirë për ruajtjen  e identitetit maqedonas është pas inkuadrimit në NATO, vendi të bëhet anëtar i BE-së, thekson në një intervistë ministri i Punëve të Jashtme Bujar Osmani.

I pyetur nëse ka garanci se Bullgaria nuk do të bëjë kërkesa të tjera pas miratimit eventual të ndryshimeve kushtetuese, Osmani thotë se askush nuk mund ta dijë se ç’farë do të sjellë e nesërmja, transmeton Dojçe vele.

“Fatkeqësisht, shpesh herë jemi zhgënjyer, ndërsa dinamika në politikë bullgare është aq e pasigurt që nuk dihet se ç’farë do të sjellë e nesërmja. Jam shumë i sigurt se Bullgaria do të fillojë të formulojë kërkesa të reja.  Por, për mua e rëndësishme është ajo që është në agjendën e BE-së, asgjë tjetër. Ne arritëm kompromis me Bullgarinë, një plan veprimi për pakicat. Ne duam ta zhvendosim temën nga interpretimet historike dhe çështjet e identitetit ndaj të drejtave të njeriut dhe të pakicave, sepse në këtë jemi të mirë. E them si një person që nuk vjen nga grupi më i madh etnik në vend. Maqedonia e Veriut ka ndërtuar një model unikat të demokracisë multietnike funksionale, në kundërshtim me të gjithë skeptikët që besonin se kjo nuk ishte e mundur në Ballkan”, thotë Osmani.

Shefi i diplomacisë beson se janë keqinterpretuar anketat të cilat tregojnë se shumica e madhe e qytetarëve  janë kundër ndryshimeve kushtetuese.

“Qytetarët e hedhin poshtë futjen e konflikteve identitare-politike në procesin e zgjerimit të BE-së, por nga ndryshimet e fundit kushtetuese nuk ka rrezik të tillë, përkundrazi, thekson Osmani dhe plotëson se ata “do ta përforcojnë dhe zgjerojnë demokracinë multietnike”.

Më tej ministri Osmani thotë se është i vetëdijshëm për rrezikun që disa qarqe në Bullgari do të mundohen ta keqpërdorin situatën e mbi 80.000 (sipas FAC) shtetasve maqedonas të cilët posedojnë pasaporta bullgare.

“E di që pas kërkesave për të drejtat e pakicave fshihen qëllime të pandershme. Por, për mua kërcënim më i madh është se përderisa qytetarët tanë nuk janë pjesë e BE-së, ata do të detyrohen të aplikojnë për pasaporta bullgare për arsye sociale dhe ekonomike”, citon Osmani në intervistën për FAC.

RTSH Shkodra

Recent Posts

Fituesi i një maratone në Tajlandë vrapoi me… sandale!

Të apasionuarit pas atletikës pak ditë më parë kanë asistuar në një garë me të…

10 hours ago

Shpikës të shkëlqyer që u vranë nga krijimet e tyre

Në një periudhë kur njerëzimi po bën përparime të jashtëzakonshme në fusha si teknologjia, mjekësia…

10 hours ago

E mbijetuara e sulmit të Hamas, u përzgjodh të përfaqësojë Izraelin në Eurovizion 2025

Këngëtarja izraelite Yuval Raphael do të përfaqësojë këtë vit Izraelin në Festivalin Evropian të Këngës.…

10 hours ago

Vitet kontributive para ’94, Manjani: Do njihen pa pengesa a shpenzime për përfituesit

Një numër i madh ish-punonjësish të ndërmarrjeve shtetërore, ish-ndërmarrjeve bujqësore dhe ish-kooperativave vazhdojnë të enden…

10 hours ago

Situata gripale në vend, Brataj: Po rriten rastet, ja simptomat kur duhet t’i drejtoheni spitalit

Situata gripale në vend ka pësuar një rritje të ndjeshme, duke arritur në rreth 19…

10 hours ago

Mot i ashpër në zonat malore – Rrëshqitja e dherave bllokon rrugën Theth- Ndërlysaj

 I gjithë territori I Qarkut Shkodër, vijon të jetë i përfshirë nga reshjet e shiut…

11 hours ago

This website uses cookies.