Presidentja Vjosa Osmani në fjalimin e saj vjetor para deputetëve të Kuvendit të Kosovës tha se vendi më 24 shtator u përball me situatën më të vështirë që kur ka shpallur pavarësinë. Gjatë fjalimit, i cili u bojkotua nga deputetët e partive opozitare PDK dhe AAK presidentja akuzoi Serbinë se pati qëllim të destabilizojë jo vetëm Kosovën, por të gjithë rajonin e Ballkanit Perëndimor.
“Sulmi i armatosur në Banjskë ishte vetëm një paralajmërim se Serbia nuk do të heqë dorë nga planet e saj të errëta. Ky sulm është në vazhdën e ideve e planeve shoviniste e hegjemoniste të Serbisë. Ky plan famëkeq për destabilizimin e Kosovës dhe rajonit mori përgjigjen e merituar” tha presidentja e Kosovës.
Ajo theksoi se Kosova do t’i mbrojë kufijtë e saj në çdo cep dhe me çdo kusht. Ndërsa vlerësoi popullin dhe përfaqësuesit politikë që u bashkuan rreth kauzës së mbrojtjes së shtetit. Duke iu referuar projektstatutit për asociacionin e komunave me shumicë serbe në Kosovë, Osmani tha se vlerësimin final duhet ta japë Gjykata Kushtetuese.
“Është me rëndësi që të gjithë ne, pa dallim partiak, të ulemi dhe bashkarisht të përgatisim komentet tona bazuar në shqetësimet që mund të kemi dhe t’i dërgojmë në Gjykatën Kushtetuese, kurdo që ky draft të vijë” tha presidentja e Kosovës.
Osmani në adresimin para deputetëve përmendi edhe çështjen e shqiptarëve Luginës së Preshevës, për të të cilët tha se po përballen me diskriminim mbi baza etnike. Ajo shtoi se është angazhuar për lehtësimin e procedurave për marrjen e shtetësisë së Kosovës për banorët nga Presheva, Medvegja e Bujanovci.
Presidentja Osmani tha se pavarësisht se sa komplekse është rruga e integrimit, Kosova nuk do të heqë dorë nga anëtarësimi në BE. Ndërkohë mbrëmjen e së enjtes Kuvendi i Kosovës miratoi buxhetin e vitit 2024 që kap një vlerë prej 3.3 miliardë eurosh.
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.