Këngëtari i njohur dhe shumë i dashur për publikun, Vedat Ademi ka publikuar këngën e tij të re, me titullin “Pa Frymë”, një bashkëpunim që vjen me këngëtaren Ergita Bahja. Në një komunikim me Skype në emisionin “Jetë Shqiptare” në RTSH, këngëtari ka treguar ekskluzivisht detaje rreth këtij realizimi.
Edhe pse një këngë që i këndon largësisë në dashuri dhe ftohjes së ndjenjave, Vedati thotë se në fund thirrja është gjithmonë për bashkim.
“Është këngë dashurie, përfshinë edhe largësinë edhe ftohjen. Është tekst dashurie. Ne thjesht këndojmë, tregojmë që ndarjet nuk janë mira dhe thirrjet janë gjithmonë për bashkim, nuk është qëllimi ndarja”, u shpreh ai.
Por si arritën ata të realizonin videoklipin kur Vedati jeton në SHBA, ndërsa Ergita Bahja në Shqipëri? Këngëtari tha se nuk ishte e vështirë për shkak të teknologjisë, por shtoi se në këtë rast largësia sjell problemin për të ndarë çdo ide.
“Falë teknologjië gjërat janë më thjeshta tani. Nuk është e vështirë, përmes internetit çdo gjë bëhet tani. Më e vështirë është pjesa e të mos qenit prezent për të ndarë çdo ide. Por jemi munduar të bëjmë diçka të përafërt që të mos ndryshojë shumë”, tha këngëtari i njohur.
I pyetur nëse e synon tregun ndërkombëtar, Vedati u shpreh se për të arritur këtë, veç talentit nevojitet “shumë fat dhe njohje”.
“Nuk është e lehtë, mosha në të cilën kam ardhur të kufizon, por janë edhe gjërat e tjera, duhet të njohësh mentalitetin e këtij vendi dhe është e vështirë. Unë nuk është se jam munduar me patjetyër të depërtoj. Kam bërë disa mbrëmje me muzikë live me banda amerikane. Por duhen shumë njohje dhe shumë fat. Do ja lëmë kohës të shohim, dëshira është”, theksoi ai.
Nënshkruhet Marrëveshja e Bashkëpunimit mes Ministrisë së Arsimit dhe Fondacionit Shqiptaro-Amerikan për Zhvillim (AADF )…
Çmimi Ndërkombëtar për Lirinë e Shtypit për vitin 2024 do t’u ndahet 4 gazetareve, mes…
Inspektorati Kombëtar i Mbrojtjes së Territorit, vijon me prishjen e objekteve për t’i hapur rrugë…
Nëndetësja Titan që u shpërbë gjatë zhytjes drejt rrënojave të Titanikut, duke vrarë të pesë…
Ish-zv.ministri i Shëndetësisë, Klodian Rrjepaj po dëshmon në Komisionin Hetimor për Sterilizimin në Kuvend. Prokuroria…
Ministri i Ekonomisë, Kulturës dhe Inovacionit Blendi Gonxhja, priti në një takim pune ambasadoren e…
This website uses cookies.