Papa Françesku shfaqet në publik, përshëndet besimtarët në Vatikan

“Të diel të mbarë për të gjithë. Ju falënderoj shumë nga zemra”, ishin këto fjalët që Papa Françesku iu adresoi besimtarëve të mbledhur në sheshin Shën Pjetër të Vatikanit, pasi u shfaq atje në fund të një meshe mbajtur për të sëmurët dhe punonjësit e kujdesit shëndetësor.

Ati i Shenjtë doli nga spitali “Xhemeli” i Romës në datën 23 mars, pasi u shtrua atje në 14 shkurt, kur u diagnostikua me pneumoni në të dy mushkëritë.

I rrethuar nga kamerat dhe telefonat smart, zëri i kreut të Kishës Katolike ishte më I fortë dhe më i lartë se kur doli nga spitali. Pas daljes nga spitali, Ati i Shenjtë duhet të pushojë të paktën dy muaj, të mos ketë aktivitete publike dhe asnjë kontakt me turmat.