Parandalimi  i  përmbytjeve / Kryebashkiaku i Vaut të Dejës , Shkreli: Po punojmë për pastrimin e përrenjve

Përroi i Glines  në Vaun Dejës është ndër më problematikët në rast reshjesh intensive. Si shkak I vërshimit të tij dhe bllokimit të herë pas hershëm dhjetera banesa janë përmbytur vitet e shkuara. Prej 3 javësh 2 eskavatorë po pumnojnë për rehabilitimin e tij me qëllim parandalimin e përmbytjeve

Për banorët pastrimi i përroit do i japë efektet menjeherë në javët vijuese.Por sërish kjo mbetet zgjidhje e përkohshme thonë ata pasi përroi kërkon rehabilitim më afatgjatë me vendosjen e koshave anësor dhe zgjerimin e tij

Për zgjidhje përfundimtare kryebashkiaku Shkreli tregon se është dërguar projekti pranë Ministrisë së bujqësisë dhe pritet miratimi i tij

Vitin e ardhshëm pas miratimit të projektit pritet të nisë puna për sistemimin e përroit duke nisur që nga pritat e deri tek zgjerimi i urës në mënyrë që të përballohen sasitë e mëdha të ujit në dimër. Si shkak i daljes nga shtrati të përroit të Glinës nëntorin e shkuar u përmbytën banesat si dhe u shkaktuan disa dëmë në të mbjella.