Parandalohet ngjarja e rëndë – Policia shpëton të moshuarin, u hodh nga ura e Baçallekut për t’u vetëmbytur

Një ngjarje e rëndë u parandalua mesditën e sotme , ku një 83-vjeçar  tentoi të vetëmbytej duke u hedhur në lumin Drin nga ura e Bahçallekut.

Patrulla e Përgjithshme e Komisariatit të Policisë Shkodër,  gjatë patrullimit në territor, kur ka parë se një shtetas është hedhur  nga ura e Bahçallëkut në ujërat e lumit Drin, menjëherë ka marrë një varkë dhe ka bërë të mundur nxjerrjen e 83- vjeçarit, me shenja jete, nga  ujërat e lumit Drin.

Policia thotë se  shtetasi Lek Plepi , 83 vjeç, është transportuar me autoambulancë  në Spitalin Rajonal Shkodër, për të marrë asistencën e nevojshme mjekësore. Ndërkohë, 83- vjeçari deklaroi se ishte hedhur në ujë për t’u mbytur, sepse kishte disa probleme personale.

Vetëm pak ditë më parë, një tjetër shtetas u hodh nga ura e Bunës, por falë ndërhyrjes së dy efektivëve të policisë, sapo mbërritën në vendngjarje, ai arriti të shpëtonte.