Paraqitja e dobët e Vllaznisë – Zmijani: Problemi kryesor është forma e dobët e mesfushës
Rezultatet negative të ndeshjeve të fundit të Vllaznisë kanë zhgënjyer opinionin sportiv në Shkodër.
Ish-futbollisti i Vllaznisë dhe i Kombëtares Shqiptare, Hysen Zmijani, është kritik ndaj ekipit shkodran, jo vetëm për rezultatet, por edhe për lojën që po zhvillojnë.
Sipas Zmijanit, një ndër problemet kryesore të kësaj skuadre është forma jo e mirë e mesfushës së Vllaznisë aktualisht.
Ndaj Elbasanit, ish-mbrojtësi i djathtë thekson se Vllaznia duhet të bëjë kthesë dhe të shkojë drejt fitores.
Pas rezultateve jo të mira, Vllaznia ka zbritur në vendin e katërt të tabelës së klasifikimit dhe kërcënohet nga Elbasani, që është në vendin e pestë dhe e pret këtë të dielë në Loro Boriçi për një përballje direkte.
