Parashikimi i motit, e premte, 13 shtator 2024
Squirrel hiding in the rain under a large mushroom.
Shërbimi Meteorologjik Ushtarak bëri të ditur se ditën e premte vendi ynë do të jetë në ndikim të kushteve atmosferike të paqëndrueshme.
Moti parashikohet të jetë kryesiht i vranët. Reshjet e shiut pritet të jenë prezente që në orët e para të 24-orëshit në pjesën më të madhe të vendit me intensitet të ulët deri mesatar, në veriperëndim reshjet e shiut lokalisht pritet të jenë me intensitet deri të lartë. Gjatë ditës reshjet e shiut do të mbeten prezente të herëpashershme në pjesën më të madhe të vendit. Hera-herës reshje shiu në formën e shtrëngatave dhe rrebesheve afatshkurtra shoqëruar me shkarkesa elektrike dhe breshër.
Mjegullinë dhe shikim i reduktuar në orët e para të mëngjesit si dhe në momentin e reshjeve.
Era parashikohet të jetë nga juglindja me shpejtësi mesatare deri në 8m/sek, e cila hera-herës përgjatë vijës bregdetare dhe momentin e zhvillimit të vranësirave fiton shpejtësi deri në 20m/sek. Deti i forcës 3-4 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 19/25 | Re shi |
| Kukës | 16/23 | Re shi |
| Lezhë | 18/26 | Re shi |
| Dibër | 15/24 | Re shi |
| Durrës | 20/26 | Re shi diell |
| Tiranë | 21/26 | Re shi diell |
| Elbasan | 19/27 | Re shi diell |
| Berat | 18/26 | Re shi diell |
| Vlorë | 21/25 | Re shi diell |
| Korçë | 14/23 | Re shi |
| Gjirokastër | 17/27 | Re shi diell |
| Sarandë | 20/27 | Re shi diell |
