Parlajmëron ministri Gerapetritis: Nëse Beleri shkarkohet nga detyra, marrëdhëniet greko-shqiptare do përkeqësohen
Greqia ka paralajmëruar Shqipërinë për përkeqësim të marrëdhënieve dy-palëshe, në rast të një shkarkimi të mundshëm të kryetarit të zgjedhur të Bashkisë së Himarës, Fredi Beleri, i cili prej 12 majit ndodhet në paraburgim.
Ministri i Jashtëm grek, Giorgos Gerapetritis e konsideron të paligjshëm paraburgimin e Belerit. Ai shtoi se qeveria greke që në momentin e parë të arrestimit të Belerit, ka ndërmarrë një sërë nismash jo vetëm për lirimin, por edhe për betimin e tij.
“Me mënyrën se si funksionon, pala shqiptare ka të ngjarë të qëllojë veten në këmbë”, vuri në dukje ministri, duke paralajmëruar se çdo shkarkim i Belerit nga pozicioni i Kryetarit të zgjedhur të Bashkisë Himarë, do nënkuptonte një përkeqësim serioz të marrëdhënieve greko-shqiptare.
Gerapetritis e bëri të qartë se “nuk ka mundësi që anëtarësimi i Shqipërisë në BE të vazhdojë kur ka një shkelje të tillë të shtetit të së drejtës dhe prezumimit të pafajësisë së Fredi Belerit për të arritur në përfundimin se tensioni i krijuar nuk është aspak i dobishëm për vendin fqinj”.
Beleri u arrestua më 12 maj, ndërsa hetimet ndaj tij kishin nisur më 9 maj pas referimit të rastit nga policia e Vlorës, dhe u mbështet me pamje filmike dhe përgjime pasi një agjent i infiltruar i policisë, përgjoi momentin kur bashkëpunëtorët e Belerit dhanë lekë për vota.
Në zgjedhjet e 14 majit Beleri, kandidati i koalicionit “Bashkë Fitojmë” u shpall fitues në Bashkinë Himarë përballë Jorgo Goros me një diferencë prej 19 votash.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.