Parlamenti i Republikës do të nisë punën pasditen e 20 janarit dhe pritet të ketë vetëm pak javë aktive, për shkak se duhet të shpërndahet në pranverë, duke i paraprirë zgjedhjeve politike të 11 majit.
Ndërsa deputetët bëhen gati të nisin periudhën më të fortë politike brenda në Kuvend, administrata e tij ka bërë bilancin statistikor të punës së kryer gjatë vitit 2024.
Sipas të dhënave zyrtare, Kuvendi është mbledhur në 41 seanca plenare, mes të cilave ka pasur dy mbledhje të posaçme plenare.
Në Kuvend gjatë vitit të kaluar janë bartur 103 projektligje, të cilat duhet të ishin miratuar në vitin 2023 dhe çfarë është më interesante është statistika që jepet për shkeljet e kryera nga deputetët.
Të dhënat tregojnë se gjatë vitit 2024 deputetët kanë kryer 57 shkelje të rënda gjatë seancave plenare, që janë pasuar me përjashtimet e deputetëve të opozitës 57 here nga komisionet apo proceset e votimit.
Sipas të dhënave në parlament është vënë në funksion 57 herë mekanizmi i përjashtimit dhe këto kanë qenë ditët kur opozita protestonte deri në djegien e karrigeve në sallë.
Nisja e një sesioni të ri politik që i paraprin zgjedhjeve pritet ta bëjë më dinamike sallën dhe komisionet e Kuvendit të Shqipërisë.
Kryeministri Edi Rama, i shoqëruar nga kryebashkiaku Benet Beci , ka zhvilluar një vizitë në…
Sot (10 janar), në ambientet e “Pallatit Koch” në Bankën e Italisë, u zhvillua ceremonia…
“Italia dhe Mali i Zi janë vendet prej nga vijnë pjesa më e madhe e…
Poliklinika e Specialiteteve në Shkodër ka çelur dyert këtë të premte. I pranishëm në inaugurimin…
Rruga Shirokë – Zogaj është aktualisht një nga kantieret më të zgjeruara të punimeve që…
Vllaznia e futsalës po bën një paraqitje të mirë në Turneun Ballkanit të Futsales “Ulqini…
This website uses cookies.