Ekspozita “Një mëmëdhetar nga Spanja” që u çel në Muzeun Historik të Shkodrës në ditët e para të muajit mars të këtij viti në bashkëpunim me Bibliotekën “Marin Barleti”, ka marrë së fundmi vëmendjen e Parlamentit të Mbretërisë së Spanjës.
Në një publikim të nxjerrë në faqen zyrtare të Parlamentit Spanjoll shfaqet një artikull mbi jetën e Gjin Aladro Kastriotit. Artikulli përveçse ndalet në veprimtarinë e tij diplomatike dhe prek shkurtimisht përfshirjen e spanjollit në jetën parlamentare të vendit përgjatë vitit 1872, shkruan edhe për ekspozitën e hapur me rastin e 110-vjetorit të vdekjes së Gjin Aladro Kastriotit, e cila evidenton kontributet e tij në shërbim të çështjes shqiptare gjatë Rilindjes Kombëtare.
Në ekspozitën “Një mëmëdhetar nga Spanja” u shpalosën materiale të rralla historike nga Fondi Albanologjik i Bibliotekës Publike “Marin Barleti” dhe kopje të ndryshme dokumentesh që bënin fjalë për veprën pro-shqiptare të Don Aladro Kastriotit. Mes dokumenteve u shqua ballina e Letrave Kredenciale të Don Gjin Aladro Kastriotit si deputet në Kortesin spanjoll.
Gjatë organizimit të ekspozitës, nismëtari dhe kuratori i saj, Xherardo Nikjari, bashkëpunoi ngushtë me Arkivin e Parlamentit Spanjoll për të marrë lëndën arkivore në mënyrë që ekspozita e çelur në Muzeun Historik Shkodër të ishte sa më e plotë në aspektin e narracionit historik të jetës dhe veprimtarisë pro-shqiptare të Gjin Aladro Kastriotit.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.