Pas debateve të shumta, rimblidhet sot Komisioni për Reformën Zgjedhore

Do të rimblidhet sot në orën 11:00 Komisioni për Reformën Zgjedhore. Në këtë Komision do të marrin pjesë përfaqësues të mazhorancës , të PD-së, dhe deputetët mbështetës të ish-kryeministrit Sali Berisha dhe të kreut të grupit parlamentar demokrat, Gazment Bardhi.

Kjo mbledhje pritet të ketë debate, pasi deputetet e grupimit të Berishës do të kërkojnë rikompozim të komisionit si edhe ndryshimin e bashkëkryetarit, me argumentin se nuk përfaqësojnë pjesën më të madhe të opozitës.

Ndërkohë mazhoranca , Lulzim Basha dhe deputetët e tij mbështetës insistojnë që ky komision të mos ndryshojë përbërjen dhe që bashkëkryetar i opozitës të vijojë të jetë Enkelejd Alibeaj.