Pastrimi i kanaleve kulluese  në Gur të Zi, vijon puna në kanalet dytësore dhe tretësore

Bashkia Shkodër po vijon punën për pastrimin e kanaleve kulluese  në njësi të ndryshme administrative.

Aktualisht, puna është përqëndruar në Njësinë Administrative  Gur i Zi, ku po punohet për hapjen e kanaleve dytësore dhe tretësore , të cilat kishin mbi 3  dekada që nuk ishin pastruar.

Drejtuesi i kësaj njësie administrative bën të ditur se, ka rreth dy muaj që punohet për hapjen e kanaleve kulluese , por ka ende shumë punë për të bërë , pasi Guri i Zi është ndër njësitë që ka sipërfaqe të gjërë toke bujqësore.

Administratori  Haxhia shprehet se , përveç  ndërhyrjes që po bën Bashkia Shkodër,  Gur i Zi ka nevojë dhe për vijimin e ndërhyrjeve në kanalet kryesore kulluese nga Bordi i Kullimit, çka do të mënjanonte përmbytjen e tokave bujqësore.

Guri i Zi është ndër njësitë jo vetëm me sipërfaqe të madhe  tokash bujqësore, por edhe me një numër të lartë banorësh , të cilët merren kryesisht me bujqësi.

Tokat përbyten sa herë ka rreshje me intensitet të lartë,  ndaj pastrimi i plotë i kanaleve kulluese është i detyrueshëm  në këtë zonë.