Pastrohen pas 35 vitesh kanalet kulluese, Bashkia e Vau-Dejësit po punon paralelisht edhe për pastrimin e kanaleve vaditëse
Bashkia e Vaut të Dejës ka nisur punën për pastrimin e kanaleve kulluese të dyta në njësinë administrative të Bushatit, pas 35 vitesh mungesë në to.
Në fshatin Shkjezë janë rreth 10 km kanale kulluese për t’u pastruar.
Deri tani është kryer pastrimi i 4 km.
Edhe në fshatin Rranxa janë pastruar 3 km kanale kulluese, që ndikojnë direkt në prodhimtarinë e tokës, por edhe në kullimin e shpejtë të tyre pas reshjeve të shiut pavarësisht intensitetit.
Në prag të nisjes së sezonit të vaditjes, po punohet paralelisht edhe për pastrimin e kanaleve vaditëse.
Ky pastrim dhe sistemim do mundësojë kullimin e fushave, shfrytëzimin maksimal të sipërfaqes, dhe rritjen e prodhimit.
