Pasuria arkivore e vëllezërve “Manaki”/ Në muzeun “Marubi” ishte i ftuar studiuesi maqedonas Igor Stardelov

Kalendari i Ditëve Europiane të Trashëgimisë solli në mjediset e Muzeut Kombëtar të Fotografisë “Marubi” si të ftuar drejtorin e Arkivit të Filmit në Kinotekën e Maqedonisë së Veriut por njëkohësisht edhe studiuesin Igor Stardelov.

Si rezultat i punës shumëvjeçare për kërkimin, identifikimin, proçesimin dhe mbrojtjen e trashëgimisë filmike të vëllezërve Manaki, Igor Stardelov ka botuar librin “Manaki” në vitin 2003 i cili hedh dritë mbi korpusin e tyre fotografik e filmik ndërsa në prononcimin e tij për mediat shpreh rëndësinë e kësaj trashëgimie.Më tej Stardelov thotë se Ballkani ka një histori të pasur kulturore, e cila duhet promovuar më shumë.Ditët Europiane të Trashëgimisë në muzeun “Marubi” po fokusohen në ekspozitën e vëllezërve “Manaki” ndërsa aktivitetet do të vijojnë edhe përgjatë fundjavës.