Vetëm pak orë pasi u vendos në krye të dikasterit të Mbrojtjes, ministri Pirro Vëngu është përballur me akuzën e parë nga opozita, e cila ka kërkuar që ai të ndiqet penalisht për shpërdorim detyre.
Kërkesa e Partisë Demokratike iu drejtua të mërkurën Prokurorisë së Posaçme kundër Korrupsionit dhe Krimit të Organizuar dhe merr për referencë detyrën e mbajtur më parë nga z. Vëngu, atë të drejtorit të Autoritetit Portual Durrës.
Në letrën për shefin e Prokurorisë, Altin Dumani, demokratët pretendojnë se Autoriteti nën drejtimin e z. Vëngu ka kryer shkelje në tenderimin e ndërtimit të portit të ri të Porto-Romanos. Procedura e tender u firmos pak javë më parë.
“Shkak për këtë kallëzim është bërë një procedurë tenderi e realizuar në muajin Korrik 2024 nga Autoriteti Portual Durrës, i cili ka nënshkruar një kontratë konsulence me kompaninë holandeze Royal Haskoning DHV, me vlerë 12 milionë euro, për mbikëqyrjen e punimeve për ndërtimin e portit të ri të integruar të Durrësit në Porto-Romano.
Kjo kontratë është lidhur me negocim të drejtpërdrejtë ndërmjet drejtorit të Autoritetit Portual Durrës, Pirro Vëngu dhe përfaqësuesve të kompanisë private Royal Haskoning DHV, pa iu nënshtruar procedurave të zakonshme të prokurimit publik. Ish-drejtori i Autoritetit Portual Durrës, Pirro Vëngu rezulton se ka shmangur të gjitha rregullat e prokurimit publik, duke përzgjedhur drejtpërdrejtë kompaninë fituese, duke cenuar haptazi interesin publik dhe dëmtuar rëndë Buxhetin e Shtetit, me qëllim përfitimin ekonomik të subjektit privat.
Në këto kushte, ekzistojnë dyshime të arsyeshme të bazuara mbi prova, se Pirro Vëngu, ish-drejtor i Autoritetit Portual Durrës, dhe aktualisht ministër i Mbrojtjes, ka konsumuar veprat penale të “Shpërdorimit të detyrës” dhe “Shkeljes së barazisë së pjesëmarrësve në tendera apo ankande publike”, të parashikuara nga nenet 248 dhe 258 të Kodit Penal,” thuhet në njoftimin e Partisë Demokratike.
Demokratët kanë kërkuar nga Prokuroria e Posaçme të administrojnë korrespondencën e plotë ndërmjet APD-së dhe kompanisë holandeze Royal Haskoning DHV.
Gjithashtu është kërkuar të pyeten kryeministri Edi Rama dhe ministrja e Infrastrukturës dhe Energjisë, Belinda Balluku, si persona në dijeni të çështjes.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.