PD në opozitë gati strategjinë para zgjedhjeve 

Partia Demokratike në opozitë pritet të mbledhi ditën e mërkurë kryesinë, për të diskutuar strategjinë e saj të ardhshme deri në zgjedhjet e përgjthshme parlamentare që pritet të mbahen në mes të vitit të ardhshëm.

Sipas burimeve të besueshme opozitarët janë të bindur se përballë qeverisë Rama, duhet përballje e fortë me protesta. Një nga kërkesat kryesore të opozitës, pritet të jetë Qeveria Teknike, e cila do të duhet të çojë vendin në zgjedhje. Ideja e nisjes së protestave u hodh edhe të hënën në mbledhjen e Grupit Parlamentarë të PD-së.

Një tjetër çështje e rëndësishme e cila pritet gjithashtu të diskutohet në mbledhjen e Kryesisë së PD-së, është edhe diskutimi për emërimin e Drejtuesve Politikë të PD-së në 12 qarqet e vendit. Tirana pritet të ketë 8 drejtues politikë, emrat e të cilëve janë ende në diskutim.