Radiotelevizioni publik shqiptar do të nisë së shpejti transmetimin e një cikli dokumentarësh “Pekini simpatik”.
Transmetimi i tyre vjen pas një marrëveshjeje bashkëpunimi midis RTSH-së dhe Televizionit të Pekinit, nënshkruar disa ditë më parë në mjediset e RTSH-së.
Dokumentarët pasqyrojnë historinë e lashtë, por edhe të re të Pekinit, të kësaj qendre të madhe të civilizimit botëror.
Pekini është një nga qytetet më të vjetra në botë, me një histori të pasur që daton më shume se 3 mijë vjet më parë.
Si i fundit nga katër kryeqytetet e mëdha e të lashta të Kinës, Pekini ka qenë qendra politike e vendit në shumicën e tetë shekujve të fundit dhe qyteti më i madh në bote për nga popullsia për pjesën më të madhe të mijëvjeçarit të dytë të erës sonë.
Dokumentarët pasqyrojnë pallatet, tempujt, parqet, kopshtet, varret, muret dhe portat e tij të veçanta.
Duke qenë një ndër destinacionet turistike më të rëndësishme në botë, dokumentarët japin pamje të Qytetit të Ndaluar, Tempullit të Parajsës, Pallatit Veror, Varreve Ming dhe pjesë të Murit të Madh.
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.