Ka shkuar në më shumë se 1 mijë numri i personave që kanë humbur jetën si pasojë e temperaturave përvëluese gjatë pelegrinazhit të Haxhit në Mekë të Arabisë Saudite. Agjencia franceze e lajmeve, AFP, raportoi sipas deklaratave zyrtare apo dhe diplomatëve nga 10 vende të ndryshme të botës, se 1081 pelegrinë humbën jetën këtë vit në qytetin më të shenjtë për myslimanët.
Qendra meteorologjike saudite raportoi se në fillim të kësaj jave, temperaturat shkuan në 51.8 gradë celsius në hije në xhaminë e madhe të Mekës. Çdo vit atje shkojnë miliona pelegrinë, dhe shumë prej tyre përdorin kanale të parregullta pasi shpeshherë nuk mund të përballojnë lejet e kushtueshme zyrtare për të shkuar atje.
Në fillim të këtij muaji autoritetet saudite raportuan se kishin larguar qindra mijëra pelegrinë të paregjistruar nga Meka, por gjithsesi shumë prej tyre arritën të merrnin pjesë në ritualet kryesore të Haxhit që filluan të premten e shkuar.
Ky grup pelegrinësh është edhe më i rrezikuari nga i nxehti, sepse pa leje zyrtare, nuk mund të kenë akses në hapësirat me ajër të kondicionuar të siguruara nga autoritetet saudite për 1.8 milionë pelegrinët e autorizuar. Vetë autoritetet nuk kanë dhënë informacion për numrin e viktimave, por raportuan se rreth 2700 persona kishin marrë trajtim mjekësor për problem me të nxehtin.
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.