Pemët dekorative, Dajçi konkurrues rajonal / Rritet eksporti, bizneset e zonës shtojnë sipërfaqet e mbjella me fidanë
pemet dekorative
Zona e Dajçit në bashkinë e Shkodrës po zë një vend lider në Rajon, por edhe më gjërë duke u bërë e njohur për kultivimin e bimëve dekoratike, ku në një një vit eksportohen përafërisht 100 mijë fidanë të tillë. Pjesa më e madhe e fermerëve që kultivojnë bimë dekorative në këtë zonë janë specializuar ne Itali, aty ku ata kanë punuar për disa vite në këtë sektor.Një prej tyre është edhe Vasel Macaj, i cili edhe më mbështetjen e fëmijëve në emigracion ka arritur që të ngrejë një biznes të vogël për prodhimin e fidanëve të bimëve dekorative.
Në zonën e Dajçit vazhdimisht zbarkojnë kamionë të bizneseve të ndryshme që operojnë në Kosovë. Ata janë blerësit kryesor të pemëve dekorative.
Njësia Administrative e Dajçit, me 11 fshatra, është ndër më të rëndësishmet në zonën fushore të Nënshkodrës, me ndikim të ndjeshëm në prodhimin bujqësor dhe blegtoral. Por, që nga viti 2010, kur Nënshkodra u përfshi nga përmbytjet masive, zona vazhdon të vuajë pasojat e përmbytjeve thuajse të përvitshme.
