Pengmarrja në Lezhë, detajet e reja – Dod Gjoka: Kemi patur një konflikt të çastit, policia vijon kërkimet për 3 autorët

“Me tre përsonat kemi patur një konflikt të çasti dhe nuk jam në gjendje të flas më shumë”.

Kështu është shprehur para hetuesve, 35-vjeçari Dod Gjoka i  cili u dhunua dhe u mor peng për rreth dy orë mesditen e së enjtes, pranë parkingut të një lokali në superstraden Lezhë-Milot.

Ndërkohë, policia ka ushtruar kontrolle gjatë gjithë nates me qëllim kapjen e autorëve të kësaj ngjarje, shtetasve me iniciale K. P., B. V. dhe Xh. E banues në Tresh, por blutë nuk kanë arritur ende të bien në gjurmët e tyre.

Dyshimet janë se ata mund të jenë fshehur në zonën e Mirditës, ndërsa në lidhje me ngjarjen po vijojnë hetimet.

Nga veprimet paraprake të kryera, dyshohet se ngjarja të ketë ndodhur në lidhje me çështjen e HEC-eve që do të ndërtohen në zonen e Kaçinarit në Mirditë, ku një pjesë e banoreve i kundërshtojnë këto projekte.

35-vjeçari  Ded Gjoka rezulton të jetë punonjës i sigurisë pranë kompanisë dhe banorët e kanë akuzuar se po ushtron presione ndaj përsonave që janë kundra ndërtimit të hidrocentraleve, ku u zhvillua dhe një protestë të dielën që lamë pas në zonen e Kaçinarit.

Nga  terësia e veprimeve hetimore dhe kçyrja e kamerave të sigurisë rezulton se tre autoret të cilët lëvizin me një automjet tip “Benz”, i kanë ndjekur lëvizjet e 35-vjeçarit dhe sapo ka hyrë në parkingun e një lokali në superstraden Lezhë-Milot, janë konfliktuar me të dhe më pas e kanë marrë forcërisht në makinen e tyre dhe janë larguar në drejtim të Mirditës.

Autoret kanë ushtruar dhunë ndaj 35-vjeçarit  Dod Gjoka, duke i shkaktuar fraktura të shumta në kokë dhe përballë ndjekjes nga policia pas dy orësh e kanë lënë të lirë në zonën e Rrasfikut në Muirditë dhe më pas janë larguar.

35-vjeçari u mor nga blutë dhe u dërgua për ndihmë mjekësore në Urgjencen e Spitalit të Lezhës, ku ndodhet nën kujdesin e bluzave të bardha, fatmirësisht jashtë rrezikut për jetën, ndërsa me përmirësimin e  gjendjes shëndetësore pritet të merret sërish në pyetje nga hetuesit për të mësuar më tepër detaje rreth ngjarjes.