Pensionistët protestojnë para kryeministrisë për rritjen e pagesës, minimumin jetik

Pensionistët protestojnë

Të mërkurën para kryeministrisë, pensionistë të shumtë dolën në protestë me kërkesat për të diskutuar me institucionet përgjegjëse mbi rritjen e vlerës së pensioneve dhe miratimin e minimumit jetik.

Viti ka 12 muaj. Ne na japin një bonus për 1 vit. Çfarë të bëjmë për 11 muajt e tjerë?

Ne duam të paktën 500 mijë lekë pension. Me 200 mijë lekë asgjë nuk bën!

112 vjet shtet shqiptar dhe sot të mos marrësh çapin e bukës është skandal.

Nuk është demokraci kjo. Kur vijnë pensionistët, përfaqësues të 525 mijë pensionistëve që marrin më pak se 200 euro dhe nuk vjen qeveria t’i takojë, ky është krim, fashizëm. Kjo është diktaturë!” u shprehën disa protestues.

Pranë godinës së kryeministrisë, të pranishmit përsëriten kërkesën për t’u takuar me përfaqësues të qeverisë.

Qeveria ka premtuar bonus për rreth 700 mijë pensionistë në shumat 100 deri 150 euro, të cilat kryeministri Edi Rama ka premtuar se do t’i aplikojë edhe në pranverë.

Aktualisht në Shqipëri, skema kombëtare e pensioneve financohet nga sigurimet shoqërore të paguara nga të punësuarit, si dhe nga buxheti i shtetit. 

A note to our visitors

This website has updated its privacy policy in compliance with changes to European Union data protection law, for all members globally. We’ve also updated our Privacy Policy to give you more information about your rights and responsibilities with respect to your privacy and personal information. Please read this to review the updates about which cookies we use and what information we collect on our site. By continuing to use this site, you are agreeing to our updated privacy policy.