“Shërbimi është pak më i shtrenjtë se interneti normal aktual që ofrohet për familjarët. Kosto më e madhe për momentin është ajo e instalimit të pajisjeve”, tha eksperti i Teknologjisë dhe Informacionit Ergest Nako.
Për Nakon sektori i cili do të përfitojnë më së shumti nga këto shërbime është turizmi, por edhe sektorë të tjerë si transporti detar.
Shqipëria dënon sulmin e Iranit ndaj izraelit. Ministri i Jashtëm Igli Hasani tha se ky sulm cenon sigurinë në rajon dhe shkakton paqëndrueshmëri në të gjithë Lindjen e Mesme.
“Shqipëria dënon ashpër sulmin e Iranit ndaj Izraelit. Ky përshkallëzim është një kërcënim i rëndë për sigurinë e Izraelit dhe të gjithë rajonit. Rrezikon të sjellë paqëndrueshmëri dhe shkatërrim më të madh në të gjithë Lindjen e Mesme. Këshillojmë shqiptarët në këtë rajon, të ndjekin udhëzimet e autoriteteve lokale për përditësimet e sigurisë publike dhe të kontaktojnë ambasadat tona për ndihmë”, shkruan ministri Hasani në platformën X.
Gjithashtu edhe Ministria e Jashtme e Shqipërisë ka këshilluar shqiptarët në Izrael që të tregojnë kujdes dhe “të ndjekin e të zbatojnë udhëzimet e sigurisë, të bëra publike së fundmi nga autoritetet vendase”.
Ministria e Jashtme thotë se është në kontakt me Ambasadën e Republikës së Shqipërisë në Izrael, ndërsa ka vënë në dispozicion numra kontakti për të gjithë shqiptarët për çdo rast nevoje.
“Ministria për Evropën dhe Punët e Jashtme është në komunikim të pandërprerë me Ambasadën e Republikës së Shqipërisë në Izrael si edhe me të gjithë shtetasit shqiptarë, me qëndrim të përkohshëm apo të përhershëm në Izrael. U bëjmë thirrje të ndjekin e të zbatojnë udhëzimet e sigurisë, të bëra publike së fundmi nga autoritetet vendase.
Për çdo nevojë të mundshme të kontaktojnë në telefon dhe WhatsApp me numrat e kontaktit të Ambasadës së Republikës së Shqipërisë në Izrael: +972 54-904-2813 dhe +972 54-480-6601”,thuhet në njoftim.
Më 13 prill Irani nisi sulmin ndaj Izraelit duke e sulmuar me më shumë se 300 dronë. Këto raketa u shkatërruan në masën 99 % nga sistemi mbrojtës i Izraelit në bashkëpunim me SHBA-në.
Forcat izraelite dhe aleate rrëzuan “shumicën dërrmuese” të qindra dronëve dhe raketave të lëshuara nga Irani.
Izraeli dhe Irani kanë qenë armiq të ashpër prej dekadash, por ky është sulmi i parë i drejtpërdrejtë i njërit në tokën e tjetrit. Ai vjen pas një sulmi në konsullatën e Iranit në Siri, më 1 prill, kur u vranë shtatë oficerë ushtarakë, përfshirë një komandant të lartë.
Përbërësit 500 gr makarona 600 gr spinaq 500 gr kos 1 filxhan çaji qumësht ½…
Emocioni i zemërimit është një nga më sfiduesit dhe më drobitësit për shpirtin dhe organizmin.Zemërimi…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Ministri për Ekonominë, Kulturën dhe Inovacionin, Blendi Gonxhja bëri të ditur se në e-Albania nxënësit…
Shqipëria është ndër destinacionet më të kërkuara për pushime nga turistët britanikë – falë plazheve…
Ministria e Ekonomisë,, Kulturës dhe Inovacionit, shpall konkursin për pozicionin e drejtorit në Cirkun Kombëtar.…
This website uses cookies.