Përfshihet nga flakët banesa – Nuk ka të lënduar, ende nuk dihen shkaqet
Kjo shtëpi private u përfshi nga flakët. Ngjarja ndodhi rreth orës 13:00 në rrugicën e “Koplikëve”, në qytetin e Shkodrës.
Në vendin e ngjarjes mbërriten shërbimet zjarrfikëse, të cilët punuan për izolomin e flakëve. Ngjitur me banesën ndodhej edhe një kapanon mobilerie që u rrezikua nga flakët.
Por, falë ndërhyrjes në kohë të shpejtë të trupave zjarrfikëse, u bë e mundur neutralizimi i flakëve dhe më pas shuarja e tyre.
Si pasojë e zjarrit nuk ka persona të lënduar, vetëm dëme materiale.
Ende nuk dihen shkaqet e zjarrit dhe për këtë ngjarje është ngritur një grup hetimor, i cili po punon për zbardhjen e rrethanave.
