Përfundon në psikiatri 38- vjeçari, goditi me grushte kalimtarë të çastit në Shkodër

Policia e Shkodrës ka nisur procedimin penal për një shtetas 38- vjeçar.

Kundër tij ka bërë kallëzim një 67- vjeçar, sipas të cilit personi i proceduar ka goditur pa ndonjë arsye, me grusht në fytyrë, nusen e djalit të tij, si dhe disa kalimtare të tjera të rastit.

38-vjeçari  u shtrua në Spitalin Psikiatrik Shkodër, për mjekim, pasi ka shfaqur probleme të shëndetit mendor.

Po ashtu, nisi procedimi në gjendje të lirë për një shtetas 48 vjeç, banues në Koplik, pasi ka kanosur dhe ka tentuar për të ushtruar dhunë ndaj kunatit të tij.

Edhe një shtetas 34- vjeçar, banues në Shkodër, është proceduar penalisht, pasi është konstatuar duke hedhur inerte në fshatin Bërdicë e Madhe.