Përgatitjet për Festivalin “Luleborë”/ Provat pritet të nisin në ditët e para të muajit tetor

Duhet edhe pak kohë deri në zhvillimin e edicionit të 8 të Festivalit “Luleborë” por përgatitjet rreth tij kanë nisur pasi komisioni i vlerësimit ka publikuar titujt e 18 këngëve pjesëmarrëse të tij.

Drejtuesi i produksionit Markelian Kapidani shprehet se këngët e këtij viti kanë tematika të larmishme ndërsa sjellin edhe profesionalizëm nga ana e kompozimit të tyre.Ky festival do të vazhdojë të ketë në përbërje të tij kompozitorë të njohur nga Shkodra, Tirana, Kosova etj. çka përbëjnë një garanci për nivelin e tij. Të gjitha këngët do të ekzekutohen live nga formacioni i instrumentistëve të Orkestrës Simfonike të Shkodrës.Edhe këtë vit publiku do të ketë mundësi të njihet paraprakisht me këngët përmes platformave sociale. Provat e festivalit pritet të nisin në ditët e para të muajit tetor.