Përkeqësohet moti në Durrës, vonesa në nisjen e trageteve. kujdes me daljen në det!
Perkeqesohet moti ne Durres
Përkeqësimi i kushteve te motit ka sjellë probleme në portin e Durrësit. Për shkak të reshjeve dhe shiut dhe erës se fortë është pezulluar përkohësisht puna në terminalin e Mallrave Gjenerale, ndërsa në terminalin e kontenjerve vazhdon normalisht.
Përsa i përket Trageteve, situata hidro-meteorologjike në Adriatik nuk mundëson nisjen në orar (22.00) nga Bari dhe Durrësi.
Imbarkimi i kamioneve dhe pasagjerëve nga Durrësi pritet të ndodhë normalisht, por nisja me shumë mundësi do të bëhet në orët e para të së dielës.
Pasagjerët dhe shoferët janë njoftuar nga linjat përkatëse për këtë vonesë.
Drejtoria e Përgjithshme Detare iu ka bërë thirrje pronarëve të mjeteve te vogla lundruese që të marrin masa për postimin e tyre, për të shmangur incidentet në kushtet e përkeqësimit te motit.
