Në Ditën e Përkujtimit të Holokaustit, presidenti Bajram Begaj tha se kjo ditë duhet të shërbejë si reflektim që kjo periudhë e errët e njerëzimit të mos përsëritet më dhe të kundërshtojmë padrejtësitë në të ardhmen.
Duke shprehur krenarinë për popullin shqiptar që nuk i dorëzoi hebrenjtë te nazistët, Begaj tha se ai nuk bëri kompromis as më jetën e tij për mbrojtjen e tyre.
“Në Ditën e Përkujtimit të Holokaustit, ne reflektojmë mbi miliona njerëz që u persekutuan dhe u zhdukën në një prej periudhave më të errëta të njerëzimit. Krenar për vlerat e popullit shqiptar, i cili kurrë nuk bëri kompromis as edhe me jetën e tij në mbrojtjen e kauzës së humanizmit. Le të na shërbejnë historitë e tyre që të kundërshtojmë me vendosmëri urrejtjen, diskriminimin dhe çdo padrejtësi tjetër në dëm të njerëzimit”, shkruan Begaj.
27 janari shënon Ditën e Përkujtimit të Holokaustit, ku u çlirua edhe kampi famëkeq i Aushvicit, në të cilën u vranë rreth 1.1 milionë hebrenj.
Gjatë periudhës së Luftës së Dytë botërore, nazistët vranë rreth 6 milionë hebrenj duke shënuar një nga tmerret më të rënda në historinë njerëzore.
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.